Ragnar Kjartansson, stjórnarformaður Hafskips, lagði gífurlega mikið af mörkum til málsvarnar í Hafskipsmálinu. Hann hóf það starf strax eftir að félagið var neytt í gjaldþrot og hélt því ótrauður áfram eftir að dómur gekk í Hæstarétti meira en fimm árum síðar. Hann skrifaði langar skýrslur um hinar raunverulegu staðreyndir Hafskipsmálsins og hélt uppi mikilli og rökstuddri gagnrýni á vinnubrögð hins opinbera í aðdraganda gjaldþrotsins og eftirmálum þess. Á þeim grunni var í raun öll framhaldsrannsókn málsins byggð og um leið grundvöllurinn fyrir kröfunni um opinbera rannsókn þess.

Ragnar veiktist alvarlega árið 1996 og lést 8. júlí árið 2008.